影片
更多
2019-05-23
41 瀏覽
【寢宮】哩個名聽起上黎係一個睡眠休息既地方，係就係休息，不過唔係睡眠，係一個可以邊嘆食物邊玩小遊戲減壓休息既地方，有投杯game、桌球、飛鏢，如果唔太識玩都唔緊要，有張韆鞦櫈岩晒女士們影相打卡，而男士亦可以邊飲野邊欣賞足球球賽。前菜係鴨胸沙律，蔬菜清新，加上鴨胸本身既鹹味，兩者岩岩好中和返。餐湯雖然唔知用左咩食材，但食得出有濃郁蔬菜味道，加上脆脆麵包粒增加左口感。焗酥皮羊扒($318)，酥皮包住內裏除左有羊扒之外，原來仲有三文魚，夾埋一齊食口感豐富，羊羶味濃烈，好腍好嫩。慢煮脆鴨脾配鵝肝($258)，鵝肝有一隻鴨脾咁大，而且又有厚度，見到已經流晒口水，味道無得頂，比滿分，鵝肝味一直充斥在口腔內，就算吞左餘韻仍然無立刻消失，鴨脾肉質嫩滑唔乾身，兩份主菜其實都有紫薯蓉，似煨蕃薯味道，超鐘意。
前菜係鴨胸沙律，蔬菜清新，加上鴨胸本身既鹹味，兩者岩岩好中和返。
餐湯雖然唔知用左咩食材，但食得出有濃郁蔬菜味道，加上脆脆麵包粒增加左口感。
焗酥皮羊扒($318)，酥皮包住內裏除左有羊扒之外，原來仲有三文魚，夾埋一齊食口感豐富，羊羶味濃烈，好腍好嫩。
慢煮脆鴨脾配鵝肝($258)，鵝肝有一隻鴨脾咁大，而且又有厚度，見到已經流晒口水，味道無得頂，比滿分，鵝肝味一直充斥在口腔內，就算吞左餘韻仍然無立刻消失，鴨脾肉質嫩滑唔乾身，兩份主菜其實都有紫薯蓉，似煨蕃薯味道，超鐘意。
張貼
