影片
更多
2018-05-20
259 瀏覽
的確唔可以話佢 D 野食好好味, 但係某 D地方我會几欣賞.首先係將軍澳區, $31 一碗粉並唔算貴, 甚至少少偏平, 真係你試下去九龍灣工業區果一間, 好似至少 $39 定 4 字頭起錶呀!而各種食物味道又真係濃味左 d, 同埋無咩層次咁, 但係感覺好似細個係秀茂坪果d檔口仔口味, 几懷舊呀. 要無味 ge 就唔好食牛什粉面啦~ 想食食物味道, 可以唔揀呢d柱侯牛腩, 去揾清湯腩果d舖架嘛, 都唔同食法!不過佢 D 魚片又几爽口喎, 雲吞唔大粒, 唔知係米一早包定, d 蝦唔算好新鮮, 不過食十次有十次咬開, d蝦都係無黑色一條條腸 ge, 令我食得好安心咯.同埋識食就係櫥窗外面, 望住亞姨前面果一大鍋餸, 望下有咩好食先入去落單呀嘛.佢 D 牛肚望落好腍, 唔岩我, 我鍾意佢 D 瘦腩, 好多時都好爽口架, 其他地方叫瘦腩唔係瘦到又乾又鞋, 就半肥瘦當瘦咁比你, 亞姨比果d真係偏瘦架, 如果你見到有d好似脂肪咁 ge 位, 咬啖試下先啦! 係筋嚟架! 不過唔會韌, 而係好爽口, 好鬼死正呢~~如果叫油菜, 一定要走油就真, 因為亞姨焯完d菜, 為左保持佢鮮色, 真係會澆一匙油上去
首先係將軍澳區, $31 一碗粉並唔算貴, 甚至少少偏平, 真係你試下去九龍灣工業區果一間, 好似至少 $39 定 4 字頭起錶呀!
而各種食物味道又真係濃味左 d, 同埋無咩層次咁, 但係感覺好似細個係秀茂坪果d檔口仔口味, 几懷舊呀.
要無味 ge 就唔好食牛什粉面啦~ 想食食物味道, 可以唔揀呢d柱侯牛腩, 去揾清湯腩果d舖架嘛, 都唔同食法!
不過佢 D 魚片又几爽口喎,
雲吞唔大粒, 唔知係米一早包定, d 蝦唔算好新鮮, 不過食十次有十次咬開, d蝦都係無黑色一條條腸 ge, 令我食得好安心咯.
同埋識食就係櫥窗外面, 望住亞姨前面果一大鍋餸, 望下有咩好食先入去落單呀嘛.
佢 D 牛肚望落好腍, 唔岩我, 我鍾意佢 D 瘦腩, 好多時都好爽口架, 其他地方叫瘦腩唔係瘦到又乾又鞋, 就半肥瘦當瘦咁比你,
亞姨比果d真係偏瘦架, 如果你見到有d好似脂肪咁 ge 位, 咬啖試下先啦! 係筋嚟架! 不過唔會韌, 而係好爽口, 好鬼死正呢~~
如果叫油菜, 一定要走油就真, 因為亞姨焯完d菜, 為左保持佢鮮色, 真係會澆一匙油上去, 食唔慣就食得好辛苦. 能夠改一改就好了.
題外話/補充資料：
PS 呢個街市有草分卡申請, 埋單記得拎埋張卡比收銀草分呀!
(以上食評乃用戶個人意見 , 並不代表OpenRice之觀點。)
張貼