台豐台灣牛肉麵 (已結業)

星期三送左日頭8至3共7個鐘熊貓，先得嗰10張單，嬲嬲地試下新餐廳。台豐喺聯和墟唔係開左好耐，但都唔少客同單。佢下午茶有三種嘢可以揀：麵款、小食同多士醬款。我揀左肉燥麵、炸雞同朱古力醬多士。朱古力醬搽多士好少有，我未食過，食左之後覺得好正。佢另有我最愛嘅花生醬嘅，但朱古力醬未試過，果然無令我失望。嘢飲我叫左杯薑母茶，暖下胃，驅下胃寒。杯茶夠薑嘅辣味，正！成個餐38蚊，價錢ok。食完後，居然去到十一點幾先肚餓，下午餐夠頂一個正餐，抵！