有囍 (已結業)

喺旺角鬧市中，最多嘅都係茶餐廳，俾我哋發現咗呢間四四正正既星馬泰菜。好，睇吓有咩食先。如果諗唔到食咩，可以睇吓牆身，攞下靈感。落左單，飲杯香片嘆下先。密椒金薯牛柳粒，爆炒得好好，牛柳入味唔韌，薯仔炸香先炒，好味！鮑魚雞煲，真係有鮑魚㗎，個雞煲好香，雞肉多汁夠滑，叫碗白飯送下先。上湯粉絲雜菜煲，除咗肉之外，梗係要叫返個菜啦，又有粉絲，有菇又有菜，呢個煲清淡得來都好有滿足感。今餐太好餸，成碗白飯食晒，食到好飽飽！