上海小籠皇 (已結業)

我家附近的商場，早前進行大翻新，快餐店、街市食肆，以及酒樓，統統要暫別我們，是個黑暗的日子。廣場家陣搞得七七八八，新食肆逐步進駐，其中一家，我最有興趣的，就是上海小籠皇，都說過我是堅愛吃滬菜的啦！新屎坑既關係，加上大家又「餓」左咁耐，那管店子做得好不好，排長龍等吃是預料中事。齊齊俾意見點餐，冷盤、熱葷、點心和麵食，各來一點，較全面測試店家的水準。以烤夫起始，手切的，粒粒方方正正，入味，軟熟，但如果可以手撕，相信效果會更好。作為正義的朋友，豈能不消滅百頁結紅燒肉這邪惡的東西?賣相查實未見吸引，至少沒有引得我雙眼發光。然而，咬下去，仍是鬆化，入晒味。墊底的百頁結，爽口又沒有很硬，整體是合格的分數。當然不會走漏小籠包，可惜這兒的出品，皮稱不上薄，又欠缺湯汁，肉餡普普通通，暫不能滿足到我。不過，只是剛開業，仍需時間調整，希望下次再來時，會嚐到皮薄餡靚的出品。還選了兩款湯麵，分別是上海排骨湯麵，以及擔擔麵。兩者有個共通點，就是麵質太淋，有欠爽口，前者優勝的地方，是排骨炸得金黃香脆又鬆化。反而擔擔麵，只有辣勁，麻醬的份量，下得太少了。湯麵以外，仲有上海粗炒，味道合格，但應可再香一點。由於回家有甜的