愛 . 添 (已結業)

上星期係紅橋食完飯之後，唔係好夠飽，再係附近搵野食，係附近見到間裝修幾有格調既甜品店，係門口外面睇到除左甜品，都仲有小食，面之類...，一於入去試下。入到去有位講國語既女員工黎帶位，仲要係好溫柔既台式國語，馬上問是否台灣人，原來比我估中左，真係台妹..！餐廳主打日式梳乎厘，我都見好多人食，賣相幾靚，但係最後我都係點左個台灣肉燥讚岐烏冬（$28）跟多杯珍珠奶茶（$22），填飽個肚最實際..！個台灣肉燥仲有D 冬菇碎係入面又多汁，撈埋落個好彈牙既烏冬到，好正，勁配..！仲要加埋杯夠哂茶味既珍珠奶茶，D 珍珠相信用黑糖煮過，好甜，好有咬口，又係正。成件事好正，食台灣肉燥，飲台灣珍珠奶茶，有台妹Serve， 間野又裝修得幾有台灣Cafe feel,幾有係台灣旅行既感覺。一定會再黎..！最後食飽，叫多左個合桃露（$26)+水晶紫暑湯圓（$6）。依家好少地方有合桃露食，仲要做得好食都真係好難，估唔到一間特式甜品店，都會有好食既中式糖水。合桃露唔會太甜，唔會太希，味道剛好，確實有驚喜。另外個水晶紫暑湯圓，個皮係透明既，見到哂裡面既紫暑，確實幾特別，個紫暑餡超正，好夠味，唔假，超讚..！