碼頭故事 (已結業)

因為疫情關係好耐冇得同呢班老友飯聚，限聚令稍為放寬，可以約返佢地出嚟聚一聚。一班人最好就係圍埋烚吓烚吓，於是揀咗碼頭故事，傾吓偈食個飯。呢間火鍋位於銅鑼灣，超方便大家收工之後吹吓水食下嘢。呢度環境好舒服，有啲霓虹燈裝置，落地玻璃對住希慎廣場，景觀非常之開陽，打卡必備。呢度啲員工非常友善，疫情期間更主動提供口罩袋俾我哋自己裝住口罩。雖然用膠袋好似唔係好環保，後來就知道原來可以隔晒打邊爐陣味，其實係好有heart!打邊爐最緊要食材新鮮湯底靚。我哋揀咗個鴛鴦湯底，揀咗中辣牛油紅鍋同菌湯鍋。呢度點餐非常方便，用QR code點餐，遇到任何問題，呢度啲員工都非常之樂意協助，值得加分👍🏻👍🏻頭先講咗，除咗環境好湯底靚，新鮮嘅食材都係吸引我哋嘅地方。呢度除咗有一般嘅牛肉拼盤，時蔬拼盤，蝦滑呢啲一般火鍋店都有嘅嘢之外，呢度有個叫「一米肥牛」嘅推薦菜。原來「一米肥牛」真係足足有一米長，成班朋友見到個「一米肥牛」個個都爭住打卡影俾啲朋友睇😆😆除咗「一米肥牛」值得推介之外，成班鍾意食雞子嘅老友梗係要叫碟雞子嚟試吓...一見到碟雞子大家都嘩咗出嚟，因為粒粒鬼咁大粒，食落去外脆內軟，忍唔住要encore😋😋仲有