相馬日式火鍋 觀塘 (已結業)

後補阿哥嘅生日飯😆今年我阿哥生日一如既往都係要出去食飯，但係有唔同嘅地方就係佢今年比我同阿妹揸主意。我哋想食咩就食咩🙃我哋仲心諗佢今年係咪先醒覺要對我哋好啲🤣今日我哋一行五個人，帶埋爹哋媽咪一齊嚟觀塘呢度打邊爐😆之前已經好想食㗎啦，因為好多社交平台廣告彈出嚟，而且佢環境方面都幾就腳㗎，出咗地鐵站行一兩分鐘左右就到😌首先一入到去店員就為我哋介紹咗唔同嘅火鍋配料同埋醬汁推介😆我自己就最鍾意普通嘅豉油加上蒜😘我同阿妹就叫咗清湯，我哋近排都keep緊fit🤣大家都話咁樣食會健康啲🤣最後仲要讚下呢度嘅響鈴，完全冇油溢味👍🏻咁梗係唔少得我哋今日嘅主角啦，我哋一家人都叫咗呢個美國特選牛肩胛套餐佢哋嘅牛肉真係好香好濃好好味😏阿媽食完之後仲話要介紹佢啲姊妹一齊嚟食🤣