風味堂 (已結業)

今日朋友帶我食日本串燒，本來諗住都係平時食開嘅日本燒物店，點知發覺極之有驚喜，叫左六七樣野，有一啲並唔係燒物，但都好好食、味道仲好特別。例如鹽辛魷魚，魷魚刺身用上魷魚內臟做醬汁，有一種蜆蚧味，感覺好特別，第二款係花雕雞子，平時可能打邊爐先食，但今次用花雕煮，花雕酒加雞子一咬爆開嘅感覺，非常特別，而且無一啲腥味，令我一粒一粒咁啪。而另外仲有一款蟹皇沙律，又係令我體會到一個新世界，佢嘅醬汁好特別，沙律好似有啲豆苗嘅味道，搞到食左好多好唔意思，其次仲嗌左一啲串燒，墨魚咀，磯煮南非鮑魚，清酒煮花甲同馬友一夜干，呀仲有係蒜蓉海鮮粉鮮鍋加聖子及刀貝，刀貝好大隻唔靭，咬落去仲有爆汁效果，真係唔錯。所以非常推薦，去食記得細味啲醬料同調味粉，好正！