唯珍上海麵家 (已結業)

我嚟過依間舖食過幾次，都冇下面果個食評話有鱔糊、鷄絲粉皮。我諗佢應該記錯地方，唔係依間嘢。依間係家庭式鋪頭，裏面好多個都係正宗上海人。佢地Ｄ食物水準麻麻，唔係幾穩定，地方唔算企理，但收咁樣價錢，冇嘜要求。湯麵類最唔好食，湯好似滚水，麵淋pat、pat，冇味道。韮菜饀餅還可以，不過唔係次次都咁好食，有時偏鹹，有時Ｄ豬肉好多肥肉同好多根。食過最後一次仲肚疴添，可能係Ｄ野唔乾淨，所以都好耐冇去。