壽司派 (已結業)

星期六中午參觀完朋友o係沙田大會堂既婚禮, 之後同老婆諗住o係新城市廣場食埋野先走. 去大會堂時經過見到呢間壽司, 外觀都唔錯, 於是試下去食啦. 食物方面味道普通, 魚生冇鮮味. 服務方面d waitress都幾有禮貌, 算係咁. d師傅全部帶晒口罩, 可能佢地睇左大家既食評, 哈哈, 不過...食到中段時間時, 有一個師傳A(可能高級d, 個樣好認真), 行去另一個師傅B身邊話佢有野做得唔好, 好似話佢整跌d野食, 然後聽到師傅B唔知話咩好肉酸(因為佢地帶晒口罩, 所以聽得唔係好清楚), 點知俾師傅A好惡咁鬧佢"肉酸你又食!" 師傅A行開左之後, 師傅B同另一個師傅C好似話做咩師傅A咁惡. 後來師傅B又俾A鬧, 之後聽到師傅B都幾大聲爆粗鬧人地阿媽. 嘩! 有冇搞錯呀! 成張迴轉檯既客o係你面前, 居然爆粗?! d專業操守去左邊呀? 日本餐廳最講求專業(其實咩餐廳都應該講求專業, 除左港式茶餐廳, 哈哈), 但係居然爆粗?! 師傅B同C d工作態度好唔掂! 服務果度本來想俾1分, 但係見個waitress好好禮貌幫我地加水, 埋單又幾好, 所以先俾2分.咁樣既環境食野, 真係冇晒