Boring?! (黃埔天地美食坊) (已結業)

話說過黎掃平貨後要醫肚，行到攰都想舒服坐低食下野，A+B+S套餐就岩哂，小資得黎高質岩哂budget。虎蝦墨魚汁意大利飯，飯有墨魚汁不特止，仲因為虎蝦香味滲左入去而更美味，隻虎蝦仲鬼咁大隻！安格斯肉眼配燒汁，超大塊煎得好香，配燒汁仲更好味，粗薯角係綠葉，不過薯味夠晒重，啱我！要連湯飲唔好怕肥，白酒煮青口，白甜酒味令青口鮮味提升，好味！餐加少少錢轉飲熱木瓜鮮奶同菠蘿梳打係明智，呢啲飲品閒閒地都幾十蚊杯，抵！