因為坐角落頭，見到有個侍應叔叔經過我就大叫，唔該靚仔得閒幫我寫野，無反應，再叫無反應，再叫，侍應: 得啦得啦得啦。心諗，得既應一聲就ok 。
落單，
我 : 要個乳豬燒排骨唔該
侍應叔叔: 乳豬乜野?
我 : 乳豬燒排骨
侍應 : 乳豬要乜野
我 : 乳豬燒排骨
侍應叔叔 :問你乳豬要飯定粉
我 : 飯 （我真係唔知你有分飯或粉）
我 : 有無野飲?
侍應叔返 : 加十蚊就有得飲，識字既睇餐牌
食物一般啦，飯偏乾，唔知有無加料就真。
食完起身走，個呀叔大嗌 : 食飽就走啦，唔好阻住做生意。我唔知係米講緊我，但係我對號任坐了，呢間野，無下次。
明白飲食業辛苦 有氣力講咁多無謂野，點解唔講多句大家都清楚明白你想問啲咩。
（由頭到尾都係同一個侍應）
以上食評乃用戶個人意見 , 並不代表OpenRice之觀點。
讚好
用餐途徑
堂食
