餐廳室內裝修溫暖，用咗好多木器作裝飾。我地叫咗賽螃蟹、糟溜魚片、上湯津白、老北京炒飯、孜然牛肉、香酥雞。 每樣食物都有水準，而且令我想起以前係北京實習期間，係朋友屋企食飯嘅感覺🥹，有種住家菜嘅感覺👍🏻
🌟賽螃蟹
薑醋配上香滑蛋白，十分開胃。上面仲放咗隻蛋黃，送飯至啱😍
🌟糟溜魚片
魚片肉質滑溜，而且散發著陣陣酒香🤤，而且亦夠厚身👍🏻
🌟上湯津白
成日食肉，點都要叫返碟菜！大白菜配上上湯，比起用忌廉更加健康👍🏻 坊間一般會用金華火腿作調味，今次餐廳用咗鮮蝦仁，比起火腿更有鮮味，而且亦都更健康👍🏻
🌟老北京炒飯
用得餐廳名叫，點都有返咁上下😲。用上京蔥、蛋及肉碎，再用猛火快炒，雖然材料簡單，但係勝在夠晒鑊氣😍
1
🌟孜然牛肉
孜然牛肉好惹味，而且份量夠晒多👍🏻 餐廳用上肥牛，勝在切得夠薄，可以避免炒得過老過熟，配上孜然粉，更滋味🤤
🌟香酥雞
喋喋餸都好大碟，所以我哋只係叫咗半碟。每件雞好香脆，而且連骨都炸到好香脆，超級邪惡😍
1
