影片
更多
2008-05-06
49 瀏覽
上次來這裡吃完都有一段日子了, 本來早前文迪已經想翻炒, 但又沒有成行, 終於到了這晚大家才有機會過來晚餐. 差不多八點來到, 不算好多客人係樓下, 不過應該有其他客人係坐係樓上的. 我們兩個人, 自然坐係店內, 也有電視看.未到之前已經定了要食的菜色:咸金桔雪碧 $14: 8分, 再一次要了杯咸金桔雪碧, 落了相當之多的咸金桔, 溝埋雪碧, 冰涼的感覺, 但又有點鹹鹹的, 好正.鮮忌廉蘑菇湯 $35: 9分, $35一客湯, 以小店來講, 不算便宜的價位, 但飲完就覺得真係值的. 相當濃郁的忌廉湯, 不過又不會太杰, 也係下了不少蘑菇, 飲到啖啖都有蘑菇, 好足料. 這個鮮忌廉蘑菇湯同上次喝的牛尾湯一樣出色, 兩個人來吃最好一人一客分喝. 另外跟兩件蒜蓉包, 炸得好香口, 也好脆, 食落口熱辣辣的, 面頭帶點點焦香, 蒜蓉味足夠.芒果大蝦 $170: 10分, 沒有辦法不再吃多一次這個芒果大蝦, 實在係相當之精彩的. 一場來到, 沒有不吃的道理. 是晚都等了一大輪先有得食, 不過我們不趕時間, 無問題. 上次吃過已知道重點係果芒果汁, 是次也先攻個汁, 撈炒飯吃, 炒飯本身已經炒得好
未到之前已經定了要食的菜色:
咸金桔雪碧 $14: 8分, 再一次要了杯咸金桔雪碧, 落了相當之多的咸金桔, 溝埋雪碧, 冰涼的感覺, 但又有點鹹鹹的, 好正.
鮮忌廉蘑菇湯 $35: 9分, $35一客湯, 以小店來講, 不算便宜的價位, 但飲完就覺得真係值的. 相當濃郁的忌廉湯, 不過又不會太杰, 也係下了不少蘑菇, 飲到啖啖都有蘑菇, 好足料. 這個鮮忌廉蘑菇湯同上次喝的牛尾湯一樣出色, 兩個人來吃最好一人一客分喝. 另外跟兩件蒜蓉包, 炸得好香口, 也好脆, 食落口熱辣辣的, 面頭帶點點焦香, 蒜蓉味足夠.
芒果大蝦 $170: 10分, 沒有辦法不再吃多一次這個芒果大蝦, 實在係相當之精彩的. 一場來到, 沒有不吃的道理. 是晚都等了一大輪先有得食, 不過我們不趕時間, 無問題. 上次吃過已知道重點係果芒果汁, 是次也先攻個汁, 撈炒飯吃, 炒飯本身已經炒得好香, 撈上芒果汁係更加之惹味, 酸酸甜甜的, 好開胃. 小弟三趴兩撥已吃了一大半, 真不好意思, 只剩下小半給文迪了. 食完飯先慢慢食蝦, 燒到蝦殼帶點焦, 見黑黑的其實火候剛好. 蝦肉新鮮, 嫩滑, 蝦頭的蝦膏甜美. 繼續係要推薦的菜色.
煎羊鞍扒 $130: 9分, 除了芒果大蝦, 羊鞍扒也係這裡的招牌. 上次沒有試到, 這次當然要點. 一客兩件, 正好讓我們一人一件. 羊係煎得剛剛好, 相當之香, 有點點羊騷味, 不過不算太強. 肉質嫩滑, 肥羔部份也好吸引, 忍不住要吃. 其實店方也有提供幾種醬汁, 不過小弟覺得吃原味係最好的. 至於配菜方面, 也幾香口. $130一客, 吃到有水準的羊, 其實係幾抵的, 總好過係鬼佬餐廳吃一些水準麻麻但又不便宜的扒.
荔枝薄荷布甸: 6分, 店方送兩客甜品給我們, 正好每樣各一. 這個布甸係相當之酸, 荔枝味或許太重了, 作為甜品來講, 味道實在係太酸而又沒有甜味.
檸檬芝士蛋糕: 8分, 檸檬味淡淡的, 跟芝士的配合係剛好, 誰也搶不了誰的風頭. 蛋糕幾滑, 不太甜, 不錯.
食物的水準依舊係好高, 不介意環境只係一般, 係好值得來這裡吃吃精彩而又經濟的西餐. 服務態度誠懇. 相當滿足快樂的一餐.
下次再來吃過.
張貼
