鼎尚燒鵝湯館 (已結業)

我平時出街食飯如果跟餐有得揀跟湯都會揀飲湯，唔鐘意飲汽水。因為覺得食飯都係配湯水夾啲，飲汽水咁多氣漲住漲住好唔舒服。終於比我搵到一間專門飲燉湯嘅店，當然要試下佢。除咗燉湯仲有燒味飯，不過我對燒味飯就唔多感興趣啦。但係一場嚟到都要試下佢嘅。燉湯我揀咗粉葛鯪魚赤小豆湯，飯揀咗燒鵝拼燻蹄。湯飲到好鮮甜，溫潤了成個口腔，好鐘意粉葛嘅清香。燒鵝出乎意料的好食，我之前以為燒味嘅味道間間都一樣，估唔到竟然有特別之處，燒鵝皮香脆，肉質嫩滑。燻蹄亦都味道唔錯。總括而言，質素都係有一定水準。