影片
更多
2006-08-20
12 瀏覽
可愛tyty月前已經想黎呢度試下中式high tea,但種種因素影響未有實行,後來從某個日本網站見到呢個寶盒,加速自己想試程度,剛好下星期朋友yan生日,我就提議黎呢度tea一tea同壽星女預祝生日。環境頗為清靜,同對面朗豪坊係兩個世界,訂位時預訂左近窗口梳化位,雖然出面景觀一般(對住個街市),但視覺上會較開揚,感覺會較舒服。waitress服務一流,會細心地介紹每款飲品成份/特點,上菜時又會每款食物做簡單介紹,最重要係主動提出幫我地同個寶盒影相,又會幫我地set好最佳拍攝位置,的確係五星級服務質素。寶盒造型的確好特別,同西式afternoon tea好唔同;除左大櫃桶裝茶葉用作僻味之外,每個櫃桶都有唔同食物,好得意!!點心2籠:有蝦餃、燒賣、叉燒包各一;3樣都好好味,個人最鐘意係蝦餃,外型晶瑩剔透,蝦肉好爽,好味道!!相信去明閣食點心,都有同樣信心保證。生果曲奇3片: 蜜瓜球幾甜,曲奇鬆化,ok。蛋tart、笑口棗、合桃餅各2片:笑口棗較硬,個人唔太鐘意;合桃餅同曲奇相似,比較好食;蛋tart唔係新鮮出爐,不過蛋蛋香滑,還算可以。咖喱酥、薑汁焦糖燉蛋、芒果布丁各2: 咖喱酥好香脆,咖
環境頗為清靜,同對面朗豪坊係兩個世界,訂位時預訂左近窗口梳化位,雖然出面景觀一般(對住個街市),但視覺上會較開揚,感覺會較舒服。
waitress服務一流,會細心地介紹每款飲品成份/特點,上菜時又會每款食物做簡單介紹,最重要係主動提出幫我地同個寶盒影相,又會幫我地set好最佳拍攝位置,的確係五星級服務質素。
寶盒造型的確好特別,同西式afternoon tea好唔同;除左大櫃桶裝茶葉用作僻味之外,每個櫃桶都有唔同食物,好得意!!
點心2籠:有蝦餃、燒賣、叉燒包各一;3樣都好好味,個人最鐘意係蝦餃,外型晶瑩剔透,蝦肉好爽,好味道!!相信去明閣食點心,都有同樣信心保證。
生果曲奇3片: 蜜瓜球幾甜,曲奇鬆化,ok。
蛋tart、笑口棗、合桃餅各2片:笑口棗較硬,個人唔太鐘意;合桃餅同曲奇相似,比較好食;蛋tart唔係新鮮出爐,不過蛋蛋香滑,還算可以。
咖喱酥、薑汁焦糖燉蛋、芒果布丁各2: 咖喱酥好香脆,咖喱味道好香,但唔知係什麼料?!芒果布丁質感較硬,如果可以軟身少少就好,芒果味稍欠,呢個麻麻地;薑汁焦糖燉蛋好甜但又好滑,有少少薑汁味,食落較特別,呢個幾好。
飲品可選中式茶或咖啡:我揀左凍咖啡,味道唔算太好,香味稍欠,不過鮮奶係凍既,呢樣就好貼心;有機會試下熱咖啡,睇下會唔會比熱奶先。
生日快樂,Yan!! ^_^
張貼
