月光光

營業中

休息中

前日聖誕節去開沙田， 見肚餓， 有朋友就話不如去麗豪酒店地下間(月光光餐廳)試下，入面環境好舒服， 裝修好雅緻， 開放式廚房夠衛生， 咁我哋Order咗雲吞麵、紅荳冰、炒蘿蔔糕、芒果汁什果西米露。雲吞麵啲蝦好大隻，啲麵就唔同出面食開o個啲咁多鹼水味，紅荳冰啲紅荳應該攪拌過，好有沙冰口感，不過炒蘿蔔糕就失望啲。食落去成口都係油，又無咩蘿蔔味，其他食物水準都可以，最緊要價錢抵，四個人食都係一百蚊鬆啲，又好食。不過隔鄰間酒吧嘈音比較大，靜靜傾計就要中午時間去，正門口比較難到，欠指示牌，要問吓啲酒店職員，總括嚟講都好滿意，去開沙田o既朋友不妨去試吓。^v^