次次都係食一模一樣既餸 一模一樣既湯底
好似好專一 但好似好變態 (但我深信唔係得我係咁)
餐牌都唔洗睇 竹苼腩肉冬菇中辣走九～凍檸蜜少冰～由於我一向好食得辣 所以中辣一定難唔到我 (但係街唔想食到成身汗所以我未挑戰過大辣)
唔好以為湯底好清無料到 其實已經好夠辣!辣既原因仲有佢碗野係即煮 所以勁熱 所以感覺上先會咁辣 竹苼係我3個餸之中最愛 因爲佢索晒湯汁 而且好爽口～食多多都唔夠♡♡冬菇我就不嬲都喜歡食既 所以唔需要原因 冬菇有4粒 算幾多～
至於腩肉 切得夠薄 肥瘦分明 食落有層次 好味！米線份量都幾多 基本上連湯食曬會好飽～唔想食咁飽有是我會叫少米線～而米線煮完唔會1舊舊 反而好滑好易咬開。配菜方面有少量芽菜同腐皮 芽菜無草青味 腐皮夠薄易入味！
食完最後飲埋杯凍檸蜜少冰 少冰既原因係唔想d冰溶化溝淡左整杯飲品 飲檸蜜仲可以潤一潤喉嚨～正！
BTW其實佢地個湯底係勁多味精同調味 所以食完勁口渴～
