為食龍 (已結業)

壽司新玩法去到中環覓食當然要搵啲有質素嘅餐廳啦！上網搵吓搵吓就搵到呢間餐廳，咪即管入去試吓囉！喺中環搵嘢食要搵一間坐得舒服，有啲環境可以令你心曠神怡真係唔係太多，咁上網睇到嘅圖片同埋實景都真係一樣喎，首先入到去要經過幾條木樓梯好森林feel，上到去食嘢嘅樓上雅座，就見到佢嘅設計都好有園林景色亦都好時尚，都係打卡嘅焦點，木造嘅枱櫈都係讓你好有家嘅感覺。食物方面啲餐牌名，都好得意呀！叫咗個西雅圖鬼妹同埋夏威夷肥仔，你估吓係咩嚟㗎啦？係壽司卷呀，睇相你就知啦！跟住叫咗兩杯嘢飲，一杯好有特色嘅芝士奶蓋烏龍茶，又叫咗一杯鮮奶焙茶，個拉花貓仔好靚，跟住叫一個炸雞，估你唔到咁Juicy，然後又叫咗個牛角包窩夫配雪糕，都係好有特色要讚一讚，咖啡雪糕好友濃郁咖啡味，整體來講成個感覺都係好滿意！係要行多少少樓梯，同埋樓梯光少少會安心D!不過同朋友傾偈談心都係一個好去處，因為始終係中環人來人往嘅地方，可以有一個咁樣咁寬敞嘅園林景色食住野都係好溫馨㗎 ！情侶就更加sweet啦！