Miracle Cafe (已結業)

今日細妹返完教會，都已經八點幾，佢唔知食咩好，就上左Open Rice睇下有乜，搵左Miracle House，打去問下有無位，佢地話OK，可以上去。上到三樓都唔見有間House，咪打電話問囉，原來係改左名，叫Cafe！ 九點半，因為我已經食飽，淨係陪細妹去食，佢就叫咗個肉醬意粉。其實我唔太鍾意食肉醬意粉，因為我覺得佢比較漏，所以我唔想佢揀呢個，叫佢揀C餐佢死都唔制，討厭。如果佢揀咗明太子意粉嘅話，咁我都可以食返啲呀嘛哈哈。點知佢都係要揀呢個意粉，冇佢符。不過算啦因為我都食飽，唔肚餓。細妹揀左杯葡萄野果梳。同埋有最低消費，所以我揀咗杯水蜜桃椰果梳打，因為我比較鍾意食椰果，所以我覺得呢個飲品好好飲，唔會太甜又唔會太淡，味道仲充斥着呢個嘢果香味，好正，所以好快就飲晒。細妹就話個肉醬意粉好好食，佢一個人都可以食得晒，我覺得佢好犀利。可能佢成日都冇食過野。嚟到呢度，除左令到個死女丁食飽！有樣驚喜野，我覺得都幾開心，侍應俾咗一份其實我唔知係咩嘅小食俾我哋，話係試食，係免費嘅。因為呢個我真係未食過，所以覺得好新奇，我研究左好耐，究竟擺在枱度呢兩件嘢係啲乜嘢，我用刀去試吓切開食，原來係薯仔，真係好好