店小二 (已結業)

成日都幫襯呢間小店買酸辣粉， 忽發奇想上嚟睇下食評，點知發現竟然一篇都冇😲 所以幫呢間小店寫第一篇食評，因為佢值得幫手宣傳一下！最鍾意食中辣嘅酸辣粉，酸同辣嘅平衡啱啱好，好惹味 酸辣粉嘅靭度又啱啱好，煙煙靭靭咁，仲有次次都好多榨菜😍 小妹唔鍾意食芫茜，所以次次都走芫茜，純粹個人喜好。 外賣仲會將花生用保鮮袋仔分開上，好貼心呢！疫情期間好多小店都捱唔住，希望呢間可以捱得住做落去啦！如果唔係都唔知去邊度搵返又抵又好食嘅酸辣粉！