皇苑 (已結業)

今日係筲箕灣，因為朋友介紹「皇苑」門口咁靚仔就入去試下，一望就知呢間餐廳新開張既，因為裝潢好新淨企理，食野最緊要環境夠舒服！坐低左就即刻睇野食啦，餐牌太多選擇，睇到花多眼亂，唯有問下老闆有咩好推薦，係佢既推薦下，我地就嗌左「懷舊霸王雞」、「西班牙黑豚燒豬仔骨」、「懷舊拔絲骨」、「雪白鮑魚」同「黑枸子燉竹絲雞湯」。「懷舊霸王雞」雞身好滑，肉質唔會太實，好易入口，仲要食落好有雞味，唔同出面有啲雞好似食緊香口膠咁。「西班牙黑豚燒豬仔骨」肉同骨既比例岩岩好，唔會話食落大大舊骨無咩肉食，再配上佢地既獨家醬汁，無得彈！「懷舊拔絲骨」賣相出色，醋香味濃，件件都可以拉出糖絲，甜酸既味道岩岩好，外層好脆，肉質夠嫩，認真好味，呢碟上左５分鐘就俾我地清晒。「雪白鮑魚」用上白蘿蔔配上鮑魚仔，完全係鮮甜吸引，鮑魚既醬汁都無得彈！「黑柯子燉竹絲雞湯」一到已經俾佢陣味吸引住，認真夠香，黑枸杞用黎滋補肝腎，益精明目，烏雞既鐵元素又比普通雞高，呢碗湯唔講味道講營養價值都已經值得你嗌黎飲。有功架既中餐廳，有機會再同朋友黎試下唔同既菜餚！老闆仲話遲下有得係到飲早茶食點心，認真吸引！..