影片
更多
2008-11-07
74 瀏覽
幾個月前，同朋友慶祝生日試過一次覺得好好味，所以決定再幫襯~~今次同男朋友一行二人，五點三四去到，點知無開門…勁灰…眼見美食離我而去，所以閃咗去7仔飲野下火，飲到接近尾聲，皇天不負有心人!!佢地道閘終於都緩緩升起喇!!原來佢地晏就小休啫，呼~~鬆一口氣然後向美食進發~~我地係是晚既第一枱客，入到去楝咗張鬆動枱，一坐低，泰國姐姐就遞上menu~~個menu真實感十足，皆因碟碟有相為證~~為食既我，唔駛十秒已經決定到食咩~四樣野，冬陰功明爐烏頭、泰式炒椰菜苗、泰式豬頸肉同埋泰式辣醬油炒飯~四樣野都超好味，條烏頭幾新鮮、幾大條，配上冬陰功湯係一絕，由於我地食得辣，所以叫咗佢地加辣，一路滾一路食，味道簡直一流，唔止條魚，連d湯都可以飲埋，冬陰功+魚湯，無得彈~~而椰菜苗炒得夠惹味，上枱時仍然青青綠綠，見到即刻想食，好彩佢夠大大碟~~豬頸肉都掂噃，夠林夠入味，d汁超正，點完又點，點完又點，總之想點!!不過係略嫌d豬頸肉切得太薄~個炒飯雖然唔係好特別，但勝在足料，幾多蝦兼幾大隻，炒得夠獲氣，超香!不過少番d油就perfect喇~~呢間餐廳唔太大，係家庭式經營，全部清一色泰國人主理，真係幾地道~~服
今次同男朋友一行二人，五點三四去到，點知無開門…勁灰…眼見美食離我而去，所以閃咗去7仔飲野下火，飲到接近尾聲，皇天不負有心人!!佢地道閘終於都緩緩升起喇!!原來佢地晏就小休啫，呼~~鬆一口氣然後向美食進發~~
我地係是晚既第一枱客，入到去楝咗張鬆動枱，一坐低，泰國姐姐就遞上menu~~個menu真實感十足，皆因碟碟有相為證~~為食既我，唔駛十秒已經決定到食咩~四樣野，冬陰功明爐烏頭、泰式炒椰菜苗、泰式豬頸肉同埋泰式辣醬油炒飯~
四樣野都超好味，條烏頭幾新鮮、幾大條，配上冬陰功湯係一絕，由於我地食得辣，所以叫咗佢地加辣，一路滾一路食，味道簡直一流，唔止條魚，連d湯都可以飲埋，冬陰功+魚湯，無得彈~~
而椰菜苗炒得夠惹味，上枱時仍然青青綠綠，見到即刻想食，好彩佢夠大大碟~~
豬頸肉都掂噃，夠林夠入味，d汁超正，點完又點，點完又點，總之想點!!不過係略嫌d豬頸肉切得太薄~
個炒飯雖然唔係好特別，但勝在足料，幾多蝦兼幾大隻，炒得夠獲氣，超香!不過少番d油就perfect喇~~
呢間餐廳唔太大，係家庭式經營，全部清一色泰國人主理，真係幾地道~~服務都ok架，特別係其中一個肥肥地既姐姐，成日都笑容滿面~~黎呢度食野，係食佢地o既味道，雖然環境唔稱得上好舒服，但都企企理理，整整齊齊，最重要係乾淨!!起碼大家食得安心0麻~~仲有仲有~呢度食飯真係平靚正，超值又好味!以上四樣野只係盛惠$180~呢個價錢，呢個味道，呢種服務，仲要無加一，真係抵抵抵~~
張貼
