影片
更多
2017-08-22
146 瀏覽
鍾意食沙律同甜品既我，最近發現左位於灣仔既Something Wild「野玩山店」，晚飯時段有半自助晚餐供應，價錢由$168至$368不等，有任食自助沙律吧及甜品吧，餐湯同埋主菜。「野玩山店」面積都算大，可以坐到100人左右，呢度既裝潢相當特別，以森林為主題，佈置上都用左唔少攀山既用品，好似背包，水壺，睡袋，帳幕，露營煮食用具等等。環境設計方面就以樹葉同樹幹為主色，座位同座位之間亦都好多空間，感覺好舒服，就好似係郊外野餐咁。自助沙律吧區有各式各樣冷盤，好似凍肉，青口，煙三文魚，煙鴨胸，同意粉沙律咁，整體黎講都好新鮮，質素亦都唔錯，賣相相當吸引，就好似酒店自助餐咁，擺得好精緻。是日餐湯係蕃茄忌廉湯，賣相呈橙黃色，味道鮮甜，店員同時都送上一籃麵包，熱辣辣，入口外脆內軟，好好味，不過唔敢食太多，因為要留肚食甜品。正正因為要留肚食甜品同埋沙律既關係，主菜我地唔敢叫太飽肚既食物，所以最後叫左炭燒豬仔骨同埋香燒BBQ春雞(半隻)。炭燒豬仔骨:豬仔骨係一人份量黎講算係巨型，不過火喉剛剛好，燒得好入味，啖啖都充滿住BBQ燒汁，好好味。香燒BBQ春雞(半隻):春雞燒得剛剛好，惹味帶甜既燒汁完全融入雞肉內
「野玩山店」面積都算大，可以坐到100人左右，呢度既裝潢相當特別，以森林為主題，佈置上都用左唔少攀山既用品，好似背包，水壺，睡袋，帳幕，露營煮食用具等等。環境設計方面就以樹葉同樹幹為主色，座位同座位之間亦都好多空間，感覺好舒服，就好似係郊外野餐咁。
自助沙律吧區有各式各樣冷盤，好似凍肉，青口，煙三文魚，煙鴨胸，同意粉沙律咁，整體黎講都好新鮮，質素亦都唔錯，賣相相當吸引，就好似酒店自助餐咁，擺得好精緻。
是日餐湯係蕃茄忌廉湯，賣相呈橙黃色，味道鮮甜，店員同時都送上一籃麵包，熱辣辣，入口外脆內軟，好好味，不過唔敢食太多，因為要留肚食甜品。
正正因為要留肚食甜品同埋沙律既關係，主菜我地唔敢叫太飽肚既食物，所以最後叫左炭燒豬仔骨同埋香燒BBQ春雞(半隻)。
炭燒豬仔骨:
豬仔骨係一人份量黎講算係巨型，不過火喉剛剛好，燒得好入味，啖啖都充滿住BBQ燒汁，好好味。
香燒BBQ春雞(半隻):春雞燒得剛剛好，惹味帶甜既燒汁完全融入雞肉內，入口非常 juicy。配菜仲有香噴噴既英式粗薯條，認真唔錯。
甜品幾時都係女生們既主菜，選擇實在太多，有macaron，tiramisu，cup cake，啫喱，芒果布丁同各式各樣既生果等等，可惜胃部容量真係有限，未能夠每樣都試少少，加$48 仲可以加個烤蘋果脆脆，即叫即製，雖然製作需時，但係佢的確係好好味，賣相吸引，係用蘋果黎做器皿，有別於一般咁用瓷器上，創意十足。入口更加係熱辣辣，細細粒既蘋果，配上輕輕既肉桂味，味道一流。
飲品方面我地upgrade左一杯沙冰。
沙冰要左Something Wild ，用芹菜，菠菜，蘋果同檸檬加入蜜糖打成既沙冰後，賣相呈綠色，咁既顏色既飲料真係唔常見，不過夏日炎炎飲返杯真係清涼解渴。
整體黎講呢度環境好有特色，食物新鮮而且種類多，埋單每人都係二百零蚊，食到咁豐富既晚餐，頭盤，餐湯，主菜，甜品，飲品樣樣齊，都算幾超值，不過如果餐廳可以加多個option，唔要主菜，只享用餐湯，沙律同甜品吧，以及飲品，就算價錢差唔多，我都可能會選擇。
張貼
