角落咖啡廳 (已易手) 新餐廳

蘭桂坊呢間波希米亞風嘅樓上cafe店呢俩日終於有時間黎喇！成間餐廳風格真系岩曬我心水❤️白色編織網吊籃同幹花裝飾，真系太岩女仔黎打卡喇！呢間cafe店最特別嘅係，除左咖啡，蛋糕，仲有最吸引我嘅就係佢哋嘅減醣生酮菜單！好健康👍黑蒜帶子意粉🍝帶子新鮮又大粒，黑蒜炒得好香好入味，黑蒜味香濃，黑蒜已經好香甜配埋少少咸香味的帶子，捲埋意粉食好夾，完全無搶走帶子嘅鮮味，煎得好嫩！意粉硬度適中，加埋配料有乾拌效果，真系好食😋煙三文魚翠玉瓜麵賣相打卡一流，將醣份減到最低，食多啲都唔怕肥！翠玉瓜細的真系好似麵條咁嘅😜三文魚組成一朵花，視覺上滿分💯呢間餐廳唔單止環境靚，食物真系要我好驚喜，除左主食外，甜點亦都好出色，都係自家製蛋糕🍰 ：生酮黑芝麻蛋糕，唔會太滯，因為係主打生酮所以甜度都係啱啱好👍呢間餐廳服務態度都非常好👍