影片
更多
2015-10-18
3130 瀏覽
莫過於清蒸，但首要食材新鮮，如果唔係海鮮啲肉就會梅。 西灣河厚福轉咗做潮福，環境都係咁逼。 Menu 只係一張 A4 size的紙，都唔知點咩好。 好彩除咗樓下有大魚缸，樓上都有個望落勁吸引， 好似自助餐的海鮮吧任...... 叫， 唔係任食， 逐樣計錢㗎。即刻出去望下，再有侍應嘅推波助瀾，迅間點咗龍蝦，帶子，蟶子，蜆，花竹蝦。 跟住老豆係個魚痴，一見到廚房斬好老虎斑拎出嚟，即刻快手攞咗舊大大魚翅位， 啲阿姐又猛讚佢識食呀，好野呀，揀多舊啦。 成件事真係好識做生意㗎。番埋枱，點多個細南瓜排骨粥， 就有個後生仔侍應 serve 我地呢枱，快手快腳，有問必答，無唔耐煩，十分好的服務態度。 先放珍珠米，南瓜和排骨， 唔駛落水個喎，上放蒸架蒸煮其他食物。第一先食花竹蝦， 下窩個時啲腳仲識旭， 鮮甜彈牙。 剝蝦個時，蒸黄金蜆， 連竹籠，我仲以為就咁倒落個架到㖭， 又大隻又甜，但有啲味。 跟住就係蒜蓉粉絲蒸開邊龍蝦，花竹蝦已經好甜好好食囉喎，龍蝦仲甜仲彈牙。 再嚟係蒜蓉粉絲蒸日本大元貝，鮮甜啖啖肉。 同 紐西蘭蟶子皇， 甜過啲蜆。 樣樣食物都又鮮甜又彈牙，到而加都仲未點過啲豉油。仲未講，調味料係自
西灣河厚福轉咗做潮福，環境都係咁逼。
Menu 只係一張 A4 size的紙，都唔知點咩好。 好彩除咗樓下有大魚缸，樓上都有個望落勁吸引， 好似自助餐的海鮮吧任...... 叫， 唔係任食， 逐樣計錢㗎。
即刻出去望下，再有侍應嘅推波助瀾，迅間點咗龍蝦，帶子，蟶子，蜆，花竹蝦。 跟住老豆係個魚痴，一見到廚房斬好老虎斑拎出嚟，即刻快手攞咗舊大大魚翅位， 啲阿姐又猛讚佢識食呀，好野呀，揀多舊啦。 成件事真係好識做生意㗎。
番埋枱，點多個細南瓜排骨粥， 就有個後生仔侍應 serve 我地呢枱，快手快腳，有問必答，無唔耐煩，十分好的服務態度。
先放珍珠米，南瓜和排骨， 唔駛落水個喎，上放蒸架蒸煮其他食物。
第一先食花竹蝦， 下窩個時啲腳仲識旭， 鮮甜彈牙。
剝蝦個時，蒸黄金蜆， 連竹籠，我仲以為就咁倒落個架到㖭， 又大隻又甜，但有啲味。
跟住就係蒜蓉粉絲蒸開邊龍蝦，花竹蝦已經好甜好好食囉喎，龍蝦仲甜仲彈牙。
再嚟係蒜蓉粉絲蒸日本大元貝，鮮甜啖啖肉。 同 紐西蘭蟶子皇， 甜過啲蜆。 樣樣食物都又鮮甜又彈牙，到而加都仲未點過啲豉油。仲未講，調味料係自助，好乾淨企理架。
啲食物逐樣蒸，有計時器，有人睇火，好似食緊法國餐。
最後老虎斑出場啦，我麻麻地食魚架， 啲大人話係沙皮，即係海魚，唔係養魚，我又食到係彈牙架，不過魚就淡味啲，要點豉油。
之後就再蒸芥蘭同茄子， 咁樣食法真係好健康，又食到食材的原味。 條芥蘭真係有好濃烈嘅菜味，最細心尾部有稍稍批過，咁樣食落就無渣。
最尾個粥好棉，南瓜都溶了。 張貼
