北京王府水餃 (已搬遷) 新店位置

隔離坐正個北京番黎嘅人, 佢一食個小黃瓜就話係北京黎嘅青瓜, 我就食唔出喎. 但係店裡人就真係好北京, 成日同你講北京話. 有d 人可能覺得佢地服務差, 但其實幾個北京嬸嬸, 你想有咩服務喎. 而果幾個嬸其實好nice, 會問你好唔好食呀, 好似外婆問你佢整d 餃子好唔好食一樣, 幾得意.而我覺得佢地d 餃子真係全城第一, 又係新鮮包, 見好幾個姐姐密密包, 都幾辛苦. 而我極愛素餃, 因為好多地方d 素餃都唔好食, 佢係我食過覺得素餃都可以係好食嘅地方. 而翠玉豆餃係一個surprise, 無諗過咁好味, d 味好濃, 都唔似豆味, 但係又無韮菜餃d 味咁搶, 好味! 驢打滾, 味道幾好, 幾得意, 得意在成日都晨早賣曬... 下次要試茴香鮮肉餃!