港式茶餐廳 (已結業)

早一排黎左呢度食早餐, 全因為呢區人生路不熟, 加上又唔知邊度有快早餐食, 所以求其入左黎醫肚!入到去坐底即刻睇下有咩食, 早後要個早餐B, 早餐B有菠菜炒蛋, 牛油豬仔包同埋沙嗲牛肉公仔麵!最先黎竟然係沙嗲牛肉公仔麵, 沙嗲牛肉都幾香, 而牛肉就幾鬆, 公仔麵就煮得唔算好腍, 所以d麵都硬硬地, 都可以啦; 而菠菜炒蛋就比較特別, 因為師傅都係第一次食, 而d炒蛋都幾滑, 而菠菜就幾嫩, 都可以喎; 而個牛油豬仔包就熱辣辣, 加埋牛油就好香好好味中而餐茶就要左凍檸茶, 杯凍檸茶都幾大杯, 而且都幾夠茶味, 唔會太甜, 得喎!總括黎講食物質素都可以, 作為早餐黎講, 師傅要求係最緊要快, 而呢度絕對可以滿足到; 環境同服務都算可以, 但係價錢始終係偏貴, 廿五蚊個餐而凍飲再加兩蚊, 可能係中區關係啦, 不過如果有其他選擇, 師傅相信未必會再黎!