10
8
3
等級4
962
53
最緊要就腳
2008-10-14 70 瀏覽
唔知點解師傅食完個瘋薯後, 好快又肚餓, 可惜離開監房嘅時間又要好夜, 點算好? 唯有諗諗計, 最後決定蛇一蛇, 拿拿聲去快食一餐啦!於是就近近地揀左呢間食店, 一坐底即刻睇下有咩食, 最後柯打左一碟豉椒排骨飯, 餐飲就要凍檸茶, 仲有例湯送添!例湯味道唔錯, 清清地冇味精, 可惜師傅唔記得左係咩湯; 再等一陣豉椒排骨飯就登場, 賣相唔差, 試一啖發覺豉汁味夠香, 而天椒亦辣, 夠搶口, 加上排骨份量勁多, 肉身夠鬆, 幾好味, 師傅收貨啦; 而凍檸茶味道就一般, 不過不失亦無驚喜!總括黎講食物質素唔錯, 環境就普普通通, 不過都叫幾乾淨, 服務就可以啦, 價錢就可以接受, 三十三蚊加兩蚊凍飲, 晚餐都算抵食; 對師傅黎講呢餐晚餐最緊要係就腳, 所以難得有間咁嘅茶餐廳, 都算係對師傅一個好消息啦, 笑臉值得一比, 但希望仲有機會再黎啦!
更多
唔知點解師傅食完個瘋薯後, 好快又肚餓, 可惜離開監房嘅時間又要好夜, 點算好? 唯有諗諗計, 最後決定蛇一蛇, 拿拿聲去快食一餐啦!

於是就近近地揀左呢間食店, 一坐底即刻睇下有咩食, 最後柯打左一碟豉椒排骨飯, 餐飲就要凍檸茶, 仲有例湯送添!

例湯味道唔錯, 清清地冇味精, 可惜師傅唔記得左係咩湯; 再等一陣豉椒排骨飯就登場, 賣相唔差, 試一啖發覺豉汁味夠香, 而天椒亦辣, 夠搶口, 加上排骨份量勁多, 肉身夠鬆, 幾好味, 師傅收貨啦; 而凍檸茶味道就一般, 不過不失亦無驚喜!

總括黎講食物質素唔錯, 環境就普普通通, 不過都叫幾乾淨, 服務就可以啦, 價錢就可以接受, 三十三蚊加兩蚊凍飲, 晚餐都算抵食; 對師傅黎講呢餐晚餐最緊要係就腳, 所以難得有間咁嘅茶餐廳, 都算係對師傅一個好消息啦, 笑臉值得一比, 但希望仲有機會再黎啦!
餐牌
103 瀏覽
0 讚好
0 留言
例湯
54 瀏覽
0 讚好
0 留言
凍檸茶
71 瀏覽
0 讚好
0 留言
豉椒排骨飯
146 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
1 已推介
    張貼
    評分
    味道
    環境
    服務
    衛生
    抵食
    人均消費
    $35 (晚餐)
    推介美食
    豉椒排骨飯