獅城星馬餐廳 (已結業)

新加坡同馬來西亞肉骨茶中，我最愛嘅係藥材味較濃既馬來西亞🥰蘭桂坊「獅城」既《肉骨茶》，正正就係我杯茶✌🏻😋！滿滿一大煲，湯頭濃香之餘仲有格外甜美嘅豬腩排肉味👍🏻😍，冬菇大大隻又腍又厚身，味道超正😋確係真材實料💯佢哋嘅《咖啡骨》，濃香味道一食難忘，完全係啱晒我呢個重口味人仕🤣排骨入味肉質仍然好嫩口👍🏻。《怡保芽菜雞》粗短脆口嘅怡保芽菜特別肥美多汁，配埋秘制又滑又香嘅嫩雞🥰係香港唔多地方可以食到。《沙爹串》最讚係個特製沙嗲醬，味道香濃帶點甜，好鬼好食，一個人閑閑哋食幾串🤩。《娘惹沙律》蔬菜配料好爽口，再加爆香蒜粒，脆脆爽爽又開胃。去到甜點《娘惹糕》口感軟糯顔色又靚，最重要係甜度適中香料味好清新，絕對唔會有出面食到嘅香精味👏🏻👏🏻👏🏻掂！