龍鳳冰室 (已結業)

龍鳳冰室 第一次食既係大坑店另外第一印象當然係明星開既店今日lunch和同事黎到我地既飯堂 天后店大概個半月會黎光顧一次，每個人都有自己既例牌店舖內外設計同大坑店大同小異，龍鳳冰室木招牌再加上金色既字，盡顯茶記特色。牆壁用上不同顏色既瓷磚，仿照六七十年代既茶餐廳，整個內部設計都走復古風，非常有特色三月餐牌比之前多左四款焗飯 （孖寶焗飯） ，每款都兩款主菜，價錢由$58到68。係天后黎講係合理價錢，而且已經包左餐飲呢一面係長期都有既午市餐牌，No 6一向都係我既例牌所以今日要試下新野，每次黎都係食雞扒，外皮煎得香脆但雞肉仲保持到嫩滑咖哩豬扒意粉 $49（ 評分：8/10） 先講個咖哩汁，香濃係咖哩牛腩個種黃咖哩，有咖哩香料既味道帶微辣豬扒外表煎香，肉質偏冧 本身已經有調味。每款野食都有栗米做配菜意粉煮得剛好，咖哩汁份量十足，同意粉有意想不到既夾略嚴肉既份量有啲小，女仔食剛好但男仔可能會唔夠飽。所以多數男同事會叫有兩塊雞扒既肉鬆滑蛋雞扒飯。另外提提成日會食既朋友，食夠某個金額會送優惠卷下次用。今次食一行九個人，每人可以減$6抵呀