十三座牛雜 (已結業)

約左班舊同事在北角食tea，行經附近，心郁郁整番串牛雜食吓。有下場，當然唔會食得太飽，就一串牛雜好了。有齊牛腸、牛膀、牛肺、金錢肚，樣樣試小小，正合我要求。牛腸的肥膏多得走晒出來，啖啖肥肉，滋味無窮；牛肺"爽爽"聲，幾彈牙；牛膀夠淋也夠鬆軟，也是不錯；金錢肚吸收了汁醬的精華，入晒味，無須加佢附設的辣醬或芥辣，原汁原味更好味。最近多左好多地方食牛雜，但有些地方炆的時候不夠，韌到咬都咬唔開；有些地方的牛雜連色水也不對辦。還是這裡的牛離最穩陣。如果無記錯，以前係$7/串，現時已是$8了。