一鍋瘋 (已結業)

天氣開始轉涼唔打邊爐等幾時呀！近期最hit緊係粥底火鍋啦，因為多海鮮，最後食埋個粥暖笠笠，正去到旺角女人街搵食見到人頭收費咁計，唔揀啦就佢啦首先竟然係黎個沙律，咁清新我同朋友都揀左椰子粥底，聽到隔離台話紫薯粥底好味喎，下次試！特選配料，迷你海鮮拼盤咩呀！咁都叫迷你！成大盤海鮮喎仲要好新鮮！有蜆，花甲，桂花蚌，蟹，蝦，鮑魚！蜆粒粒都漲卜卜，花甲同桂花蚌好鮮甜，鮑魚好彈牙，蟹味濃，蝦爽口。簡單一句，新鮮就係皇道！好貼心有圖說明每樣海鮮淥幾耐仲有埋計時器特選配料。美國黑豚肉，蘿蔔，粟米，雞髀菇加自選配料。大份到呢！丸類不過不失啦，反而蔬菜真係好正，配合埋椰子粥底，超甜！！！肉類都高質，由其黑豚肉，入口油脂好香！另外，右下個魚皮餃好好味！食晒配料職員會俾兜粥同南瓜粒芋頭粒你，先落南瓜芋頭，煮一陣d水會收杰少少就加粥。我仲特登煮耐d個粟米等個粥甜d完成！好香蟹味！！點解？因為隻蟹好多羔.好好味！抵食好味呀！