沙嗲王 (已結業)

今日同2個朋友係旺角行完街，捻住近近地係附近揾野食醫肚仔，就上黎食好野因為我地3個人有個朋友唔叫太肚餓，我地就叫左個2人set再share，佢有2個前菜，主食同埋甜品，1個小食同2杯飲品。前菜方面，大家可以選擇湯或者沙律。以前食沙嗲王一定會食佢個蟹粉豆腐鍋，今次當然唔例外叫翻個黎食啦！ 上枱嘅時候香噴噴，蟹肉鋪面，底層有滿滿嘅豆腐。熱辣辣送飯一流，不過可能會有少少油膩。另外，我地重叫左個白咖喱豬扒飯，咖喱奶味比較濃郁，唔會太辣，豬扒炸得外脆內軟，唔會太老。小食方面，我地叫咗個炸雞軟骨。餐廳提供嘅份量都足夠，雞軟骨唔會太老，太硬，幾好食。飲品我哋就叫咗杯凍朱古力沙冰同埋鮮榨青檸柑蜜，柑蜜可以幫手解決蟹粉嘅油膩感，酸酸甜甜幾好飲。另外甜品方面，餐廳本來可以俾我哋選擇雪糕或者芒果椰汁西米露。因為餐廳雪糕已經冇晒，所以我哋就揀咗後者，味道都幾好！