時新漢堡飽 (已結業)

好幾年前已經嚟過紅磡試過時新漢堡包，係味道非常出色嘅港式漢堡包，不過當時佢嘅係橋底舊舖，裝修比較懷舊，係一啲比較似80年代嘅快餐店嘅感覺。最近知道時新漢堡包係黃埔呢邊開咗新鋪咁啱最近有個開來，所以今晚嘅晚餐一於就選擇佢啦。我哋大約八點幾嚟到，點知已經差唔多啦last order，原來餐廳收8:30。我就好快咁叫咗啲嘢食。黎漢堡包專門店，其實都唔使考慮好多，當然一定要叫一個漢堡包啦。我就揀咗雙層肉嘅漢堡包，另外再加芝士同雞蛋。其實漢堡包一睇就知有幾正，啲芝士係半溶狀態，再加上兩塊用新鮮牛肉做嘅漢堡，肉味濃之餘又有肉汁，如果唔係餐廳已經準備收舖，我一定會再叫多一個嚟食，真係食過返尋味。