影片
更多
2019-08-19
318 瀏覽
响荃灣祈德尊見完客，同個客一齊去食早餐 ，(其實都係午餐)，佢話荃灣廣場開咗間好正嘅翠華，一於跟佢去試試。門面寬闊，光猛明亮，望入去同其他翠華感覺不一樣。不過一樣有現店新鮮麵包，蛋撻仲有新張優惠添。我哋坐响窗邊卡位，景觀開揚，心曠神怡，仔細望望，室內裝潢雅致，燈罩似一本本書飛在天上，配襯一旁似書架嘅間隔，有啲响書店咖啡廳嘅感覺。咦！個名係有啲唔同架，原來係翠華集團不錯，呢間係另一條線......宇宙秘製豬軟骨漢堡套餐$62响門口被佢個易拉架廣告吸引咗，已經決定要試呢個餐，店員小心奕奕咁送嚟放低，因為個包疊起好高架。個樣咁得意，唔捨得食住，食啲即炸薯條先，香脆內軟，唔錯。我個口無咁大，唔可以成個包拎住嚟咬，唯有分開，先食一件豬軟骨，唔...口感香酥軟腍，秘製味道唔識形容，總之係咸淡適中，唔膩好食。減少一件豬軟骨之後，變返漢堡嚟食，麵包外脆內軟，夾埋爽脆生菜，新鮮嘅蕃茄片，酥軟嘅豬軟骨，口感豐富又複雜，味道又真係好鬼夾喎。雪雪濃滑絲襪奶茶凍$28見呢個奶茶凍幾得意，跟餐加$12就可以試，梗係要呢個啦。底層白色嘅係奶凍嚟，上層係好香嘅凍奶茶。先啜一啖上層奶茶，茶質幼滑，茶味香濃而微甜，再啜一
同個客一齊去食早餐 ，
(其實都係午餐)，
佢話荃灣廣場開咗間好正嘅翠華，
一於跟佢去試試。
門面寬闊，光猛明亮，望入去同其他翠華感覺不一樣。
不過一樣有現店新鮮麵包，蛋撻仲有新張優惠添。
我哋坐响窗邊卡位，景觀開揚，心曠神怡，
仔細望望，室內裝潢雅致，
燈罩似一本本書飛在天上，
配襯一旁似書架嘅間隔，
有啲响書店咖啡廳嘅感覺。
咦！個名係有啲唔同架，原來係翠華集團不錯，
呢間係另一條線......
宇宙秘製豬軟骨漢堡套餐$62
响門口被佢個易拉架廣告吸引咗，已經決定要試呢個餐，
店員小心奕奕咁送嚟放低，
因為個包疊起好高架。
個樣咁得意，唔捨得食住，食啲即炸薯條先，
香脆內軟，唔錯。
我個口無咁大，唔可以成個包拎住嚟咬，
唯有分開，先食一件豬軟骨，
唔...口感香酥軟腍，
秘製味道唔識形容，
總之係咸淡適中，唔膩好食。
減少一件豬軟骨之後，變返漢堡嚟食，
麵包外脆內軟，
夾埋爽脆生菜，
新鮮嘅蕃茄片，
酥軟嘅豬軟骨，
口感豐富又複雜，
味道又真係好鬼夾喎。
雪雪濃滑絲襪奶茶凍$28
見呢個奶茶凍幾得意，跟餐加$12就可以試，
梗係要呢個啦。
底層白色嘅係奶凍嚟，
上層係好香嘅凍奶茶。
先啜一啖上層奶茶，
茶質幼滑，茶味香濃而微甜，
再啜一啖底層奶凍，
奶味濃郁，口感軟滑。
然後，將兩者撈勻嚟飲，
奶茶加咗奶味更好飲，正！
卡邦尼煙肉意粉$55
試咗少少，好香又好食，仲有唔少煙肉同鮮磨菇。
即磨咖啡$10 (跟意粉價)
聞到好香咖啡味，個杯好得意呀！
整體食物質素好，店員服務熱情細心，
環境光猛又舒服，
個人覺得係最正嘅翠華。
張貼
