影片
更多
2023-04-12
62 瀏覽
邊爐放題呢樣野真係好邪惡，任何天氣都會想食...今次見到youtube 介紹，我地就去咗深水埗既蚊蚊豬$298/位 任食120分鐘 邊爐放題X刺身X烤魚X雞煲 4重享受 食到捧住個肥肚走呀~ 📍春季限定 3 款新湯底 真龍蝦鍋/雪蟹三文魚頭鍋/鮑魚雞煲 作為龍蝦控，就梗係叫真龍蝦鍋啦，因為真係有原隻龍蝦 仲有四五隻青口架！ 再試試個湯頭，鮮甜入面仲有蕃茄薯仔好足料📍打邊爐最緊要係咩? 咁就梗係靚牛肉啦~~佢地牛肉無渣流攤選擇都好多，封門柳極上牛肩牛板腱，油花靚肥瘦均勻 ，當中最推薦牛上肩!📍海鮮呢個選擇就少啲但都有青口同鯇魚片可以揀～📍日式刺身+小食都有好多款選擇，同坊間大字放題店質素睇齊，三文魚八爪魚魷魚北寄貝甜蝦等等樣樣齊 全部新鮮厚切好肥美；另外仲有中式小食辣螺肉同八爪魚📍四川小食+麻辣燙除咗刺身仲有好幾款四川小食，涼伴青瓜皮蛋豬耳等等 仲有麻辣燙 (嘩食辣之人必去) 因為我地唔太食到辣所以就無咩叫呢part既食物 📍炸物炸饅頭炸墨魚丸椒鹽雞翼炸魚皮等等，鐘意食炸野既就一定要留胃食!!! 📍丸類餃子蔬菜邊爐梗腳呢啲一定要有喇最大路一定都有，但前面咁多好野食，呢啲真係無叫太多了📍四
$298/位 任食120分鐘 邊爐放題X刺身X烤魚X雞煲 4重享受 食到捧住個肥肚走呀~
📍春季限定 3 款新湯底
真龍蝦鍋/雪蟹三文魚頭鍋/鮑魚雞煲 作為龍蝦控，就梗係叫真龍蝦鍋啦，因為真係有原隻龍蝦 仲有四五隻青口架！ 再試試個湯頭，鮮甜入面仲有蕃茄薯仔好足料
📍打邊爐最緊要係咩? 咁就梗係靚牛肉啦~~佢地牛肉無渣流攤選擇都好多，封門柳極上牛肩牛板腱，油花靚肥瘦均勻 ，當中最推薦牛上肩!
📍海鮮
呢個選擇就少啲但都有青口同鯇魚片可以揀～
📍日式刺身+小食
都有好多款選擇，同坊間大字放題店質素睇齊，三文魚八爪魚魷魚北寄貝甜蝦等等樣樣齊 全部新鮮厚切好肥美；另外仲有中式小食辣螺肉同八爪魚
📍四川小食+麻辣燙
除咗刺身仲有好幾款四川小食，涼伴青瓜皮蛋豬耳等等 仲有麻辣燙 (嘩食辣之人必去) 因為我地唔太食到辣所以就無咩叫呢part既食物
📍炸物
炸饅頭炸墨魚丸椒鹽雞翼炸魚皮等等，鐘意食炸野既就一定要留胃食!!!
📍丸類餃子蔬菜
邊爐梗腳呢啲一定要有喇最大路一定都有，但前面咁多好野食，呢啲真係無叫太多了
📍四川烤魚
完咗邊爐，仲有個四川烤魚等緊你~~ 魚既款你可以揀清江魚/鱸魚，清江魚就無咩細骨所以我地揀咗呢款 味道揀咗唔辣既濃蕃茄底，氣魚已煎過所以無咩泥味或者魚腥味而且肉質雪白新鮮
📍四川雞煲
如果你個胃仲有位.... 可以仲衝埋個雞煲..但我地食完成條魚...已舉晒手投降了，下次，下次再試埋個雞煲！
📍飲品
汽水茶紙包飲品全部有仲有嘉士伯男士最愛!
張貼
