元気寿司 (聯發新樓)

營業中

休息中

元氣一向都係我既食堂，一諗唔到食咩就會去食，加上有會員制度可以儲分，所以都好難離得開元氣～-辣味三文魚 必食，辣辣地仲有少少洋蔥，個醬撈得好好食。-北寄貝沙律 清新開胃之選，入面有好多北寄貝粒，唔會好似放題咁得Pat醬。-炸蝦卷 有三件好抵食，不過食炸蝦卷好睇彩數，因為有時炸蝦唔係新鮮炸起，會有浸油溢味。-豪快海老二點 夏日期間限定款，赤海蝦壽司同甜蝦壽司各一件，甜蝦份量落得大方，抵食過散叫。-帆立貝壽司 帆立貝大粒過舊飯，又夠鮮甜。-燒鰻魚又係要睇彩數，有時又厚又熱辣辣個底仲帶少少脆，但今次呢碟有啲薄，唔夠厚肉，不過鰻魚味好濃。-三文魚刺身 好厚切呀～～～～油脂少，食落好濃三文魚味好正！-赤海蝦刺身 赤海蝦刺身既質數都幾穩定，次次都好大條，肉質又夠爽口彈牙。