農家意粉餐廳 (已結業)

Item: 農家意粉餐廳
Rating: 2
Author: 百厭星C@C@

3.5

86 食評

味道

環境

服務

衛生

抵食

191

上水

$51-100

西式

百厭星C@C@

(非會員)

2008年10月7日, 因為我同我男朋友對農場餐廳的一份情意結, 所以便決定到上水石湖墟街市熟食中心4號鋪的農家意粉餐廳去緬懷一番. 下午一時, 我們由香港仔出發到上水石湖墟. 到達街市時已是下午二時半, 當然是先找個位子坐下啦! 因為地方實在是小得太可憐, 於是他們便安排我們坐到隔鄰的熟食檔去. 我們先各點了一客焗飯, 奶油菠菜焗三文魚飯及芝士粟米焗豬扒飯, 落單的阿姐話焗飯要等得耐D過喎! 過了一會兒, 粟米忌廉湯便到了, 不到一會兒凍檸茶也到了, 但熱檸茶卻不知所縱. 等到脛都長, 胃都穿喇, 足足等咗廿幾分鐘, 終於有飯食喇! 係就係奶油菠菜三文魚飯喇! 不過唔係焗個囉! 跟住搵咗好耐先有個阿姐行過來, 我同佢講"個飯係唔係咁咖?" 佢竟然話"你個係三文魚來咖!" 我夠知啦! 之後叫咗個阿哥來啦! 我又講同一番話, 今次好D喇! 佢話幫我換過. 等咗五分鐘倒, 我個奶油菠菜焗三文魚飯出來喇! 熱檸茶都出來喇! 好可惜...... 佢地扼我囉! 佢以為我成世人未食過焗飯囉! 個飯唔熱, 塊魚唔熱, D配料唔熱, 就連個碟都唔熱. 哩D叫做焗飯呀!!! 根本就係同一碟野, 只不過係轉咗隻焗飯用嘅碟, 係咁倚搵火燒吓D芝士就俾返我食, 成個過程, 我男朋友個芝士粟米焗豬扒飯仲有我地塊蒜蓉多士係仲未出現嘅! 個飯錯咗本來都冇咁嬲, 最嬲就係佢地扼我! 把幾火...... 於是我食咗幾啖就冇食喇! 冇幾耐我地塊蒜蓉多士就出現喇! 哩個時候, 嗰個話幫我換過碟飯嘅阿哥就走過來, 佢竟然問我"唔要囉可?", 我就同佢講"我俾四十幾蚊你, 你唔係俾D咁嘅野我食呀? 全部都唔凍嘅?" 佢竟然不以為以, 只對我說"係呀?唔好意思喎!". 不知悔改囉!!!

之後我已經好想走, 耐何我男朋友個焗飯仲未到, 如是者等吓又追吓, 後來先發現佢地落錯單囉! 數字餐竟然變咗做英文字母餐-C餐(牛脷飯). 我當然唔可以就咁算啦! 於是我同個收銀阿姐講清楚, 跟住佢就走來我地張檯, 係咁講唔好意思, 然後再幫地落過單, 之後仲親自將焗飯送到我地嘅檯面上. 但哩個過程竟然快過晒上面嘅經過囉! 佢地仲好好咁提醒我地小心隻碟熱TIM...... 可惜已經於是無補囉!