八居酒屋 (天文臺道) (已結業)

天文台道上次食野時見到呢間八居酒屋想來試吓，環境半開陽，外面可飲酒，適合養寵物及吸煙人士，裡面裝修以深色為主，給人較新潮感覺。看看餐牌同牆上推介菜色，有多款高級食材菜色，有和牛，海膽，帆立貝，虎蝦，即時唾涎慾滴。先叫了燒三文魚腩，成條白雪雪，食入口，油香味濃，但因薄切，燒至脆身，又唔會太膩，留著面層薄薄的皮，好香。先來一雞腎串$28 ，大大粒夠厚肉，好香口。「串燒雞翼」$38，有兩隻雞翼，超抵外皮脆香，只愛係保留雞翼尖，成隻都脆卜卜，連埋黑白芝麻，更顯香味，雞皮又唔太肥膩。「三文魚燒飯團」外面脆卜卜，唔會有乾硬飯粒，反而有焦香味，入面中間為熟透的三文魚肉，不會太多，保留飯香，份量剛好，唔會腥，飯團三角形，亮點伴菜有幾粒醃過的生蒜頭，麵豉醬辣味，好醒胃。「炸雞蕎麥麵」$88 欣賞佢分開上，炸雞特顯鬆脆，肉質鮮嫩，蕎麥麵爽口，麵質不太稔身，成碗麵滿滿的，足料，有蔥花海帶，襯埋清甜湯底，連湯都喝光了。另外抵擋不住「網燒安格斯肉眼」$138 食落去有非常香濃嘅牛肉味道，燒得好香，厚度剛好，好稔，還有旁邊沙律菜也新鮮。還有壓軸「大虎蝦伴海膽醬」$128，好大隻彈牙，蝦味夠鮮甜，蝦頭仲有膏添，面的