外婆酸辣粉-辣酒米線專門店 (已結業)

一直都好鍾意食酸辣粉，最鍾意個種又酸又麻又辣既味道。除左傷心酸辣粉、都未食過其他店既酸辣粉，今日行過見到有間外婆酸辣粉，就去試下啦。套餐有好多小食可以配搭，我地四個人每人揀個面，再搭不同小食share.外婆酸辣粉：夠辣亦好夠熱，有花生、蔥、筍等材料，但建議可以加多少少麻辣味。濃湯米線：湯比較清、有腐竹同蔥。XO醬肉碎烏冬：普通左少少同太細碗。小食都比較細碟，份量多些就好啦，幾樣看似辣但其實唔辣既，唔食辣既都應該接受到。總括黎講，好食但嫌份量少。