沐白小農 (已結業)

呢幾年台式飲品店大行其道 元朗當然唔例外都開咗好多林林種種嘅手搖飲品店呢間沐白小農開咗冇耐 裝修好有清新嘅感覺 用咗啲木同埋色彩繽紛嘅顏色去裝飾 形象健康嚟到呢度梗係要試下招牌黑糖波霸鮮奶 用想養生嘅黑糖同埋全脂鮮奶 感覺健康 飲完都少幾分罪惡感 黑糖味道十足 而且有焦香感覺 珍珠煮到煙煙靭靭好有咬口 加上鮮奶嘅濃滑 配搭唔錯大甲芋頭鮮奶 飲品係好靚嘅紫色加白色漸變色 用黎打卡影相一流 芋頭蓉好有口感 入面仲有粒粒芋頭肉 整體唔太甜 味道亦係真實嘅芋頭唔似開粉 撈埋一齊好有口感