地茂館甜品

營業中

休息中

每次係九龍城食完飯，一定會去地茂館食糖水😋九龍城有多間出名嘅甜品店，例如：合成糖水、小方糖等等～但我最中意都係地茂館，仲要必食以下兩款甜品🤩◭ 芒果西米露 $26通常芒果西米露係以椰汁底為主，但呢款唔係，糖水底好似楊枝甘露，但再加咗芒果汁😋感覺似凍芒果汁加西米露，但又唔會太甜👍🏻仲要每粒西米好爽脆，唔係好「淋」個種，好有咬口👍🏻👍🏻👍🏻◭ 軟滑糖不甩 $19想食糖不甩嘅地方真係買少見少地茂館糖不甩亦非常出色，熱辣辣又煙韌，旁邊有花生碎，自行選擇點多少🤩地茂館主要以傳統糖水為主，仲有好多款都好好味👍🏻👍🏻絕對值得支持嘅糖水店