一鍋堂 (XX Arcade) (已結業)

最愛脆炸鹹蛋黃炸魚皮 自家製飲品亦清新～～～秋意涼涼，最近真係好鍾意食打邊爐。一起身就換衫去旺角呢間台式火鍋店攞位，解一解我個火鍋癮。😆～～～我哋叫咗兩款湯底，包括係潮汕湯底，同埋佢哋聯吃乘金寶湯推出嘅蕃茄羅勒湯底。前者鹹鹹香香，後者酸甜開胃，都不錯。🍅～～～午市放題一共有三個唔同嘅餐，我哋就叫咗中價嘅B餐，食物眾多，就唔一一細講，揀幾樣我覺得值得推介嘅同大家介紹吓。🥢～～～麻辣撈雞柳，好滑好入味。鹹蛋黃炸魚皮啖啖充滿鹹蛋黃，好香脆。鴨血就滑溜溜，都係必食嘅火鍋食材之一。🍽～～～肉類方面，西班牙穀飼豬豬味好重好濃郁，而且爽口彈牙，美國安格斯牛板腱顏色鮮艷，望落同食落都感覺新鮮，而且叫咁多次都冇漏單，啱啱坐低嘅時候，可能開門唔係好耐，上得比較慢少少，後尾就好快！服務員態度都還不錯。😚～～～飲品方面我就鍾意佢哋自家製嘅洛神花茶同埋冰糖燉檸檬，兩者都甜度自然，感覺健康清新，無咩guilty感。😆～～～最後值得一讚嘅就係佢哋係用一次性嘅筷子，喺疫情期間呢一點令人好安心，加上佢哋嘅抽油煙機同空調系統都夠強勁，整個用餐過程頗舒適😊～～～一鍋堂 (旺角)旺角豉油街60-104號XX Arcade東翼