一風堂 (馬鞍山廣場) (已結業)

知道一風堂出了期間限定的鴨肉拉麵，今晚放工自私食！個麵幾抵食，不過追加3片鴨胸要$18，最後只係加了一份餃子。講真，連鎖店唔會要求太高，不過鴨胸確係抵讚！軟腍冇渣鴨味十足，湯底正正常常，有衝想飲多啖，麵都烚得幾好，唔會太腍。可能我自己加咗蒜蓉同高菜，配合番自己嘅口味，覺得碗嘢零舍好食！餃子呢？就真係驚唔夠食飽先嗌，質素就係平時超市買嗰啲囉！疫情通關後不停返深圳，真係冇諗過去日本，好懷念之前喺東京食嘅鴨肉醬油蕎麥麵⋯⋯一風堂可以止吓咳！👍🏼👍🏼👍🏼