影片
更多
2022-09-16
87 瀏覽
嘆嘆黃大仙龍翔道136號黃大仙中心北館地下G06E-G06G號鋪最近有朋友話比我知黃大仙中心開左呢間台式餐廳，見到網上面既評價都幾高，而且食物都好吸引，尤其係啲甜品，知道仲有我最鍾意嘅千層蛋糕，所以今日放假一定要黎試下嘆嘆招牌牛肉麵台式牛肉麵除左牛肉之外，最重要就係個湯底，呢碗湯牛肉味好重非常濃郁，飲完都唔會覺得好口乾，食得出真材實料絕無味精，而牛肉既數量勁多，而且仲有部份係牛筋，啱晒我口味呀，果然係招牌菜呀招牌香酥鹽酥雞鹽酥雞既份量非常多有一大盤，熱辣辣炸得非常香脆，同係士林夜市食到既一樣咁滋味，而且餐廳仲配埋3款醬料比食客一齊食，我自己就最鐘意沾d椒鹽或者甜不辣醬啦，將炸雞既味道更加昇華3.6牛乳黑糖芋圓特盛好豐盛既甜品，望落好吸引岩晒打咭，面層鋪滿左手工QQ芋圓，紅豆，珍珠，仲有牛奶布丁，底層就係刨冰，而家夏天食就岩晒啦，非常消暑招牌珍珠奶茶奶蓋千層蛋糕最期待就係呢個千層蛋糕，果然無令我失望，千層皮好薄，而每一層都夾住滿滿既忌廉，放入口真係好滿足呀，而蛋糕外面仲要沾滿香滑既奶蓋同黑糖珍珠，就算食到幾飽都一定要試埋呢個甜品呀
黃大仙龍翔道136號黃大仙中心北館地下G06E-G06G號鋪
最近有朋友話比我知黃大仙中心開左呢間台式餐廳，見到網上面既評價都幾高，而且食物都好吸引，尤其係啲甜品，知道仲有我最鍾意嘅千層蛋糕，所以今日放假一定要黎試下
嘆嘆招牌牛肉麵
台式牛肉麵除左牛肉之外，最重要就係個湯底，呢碗湯牛肉味好重非常濃郁，飲完都唔會覺得好口乾，食得出真材實料絕無味精，而牛肉既數量勁多，而且仲有部份係牛筋，啱晒我口味呀，果然係招牌菜呀
招牌香酥鹽酥雞
鹽酥雞既份量非常多有一大盤，熱辣辣炸得非常香脆，同係士林夜市食到既一樣咁滋味，而且餐廳仲配埋3款醬料比食客一齊食，我自己就最鐘意沾d椒鹽或者甜不辣醬啦，將炸雞既味道更加昇華
3.6牛乳黑糖芋圓特盛
好豐盛既甜品，望落好吸引岩晒打咭，面層鋪滿左手工QQ芋圓，紅豆，珍珠，仲有牛奶布丁，底層就係刨冰，而家夏天食就岩晒啦，非常消暑
招牌珍珠奶茶奶蓋千層蛋糕
最期待就係呢個千層蛋糕，果然無令我失望，千層皮好薄，而每一層都夾住滿滿既忌廉，放入口真係好滿足呀，而蛋糕外面仲要沾滿香滑既奶蓋同黑糖珍珠，就算食到幾飽都一定要試埋呢個甜品呀
張貼
