茶房別天神

營業中

休息中

［最愛濃郁豚骨湯底 ］居於東區，間中都會去康怡廣場，太古城嗰邊行街，因為有囡囡最愛嘅玩具反斗城。 行一陣覺得肚餓就搵嘢食，決定簡簡單單食下拉麵。別天神康怡分店，比起上次食的北角書局街分店，座位更多，坐得更舒服，適合一家人光顧。依舊選了別天神的蝦味噌拉麵同豚骨拉麵，再額外叫了煎餃同龍蝦沙律兩個小食。老公幾中意蝦味噌拉麵，蝦味濃郁 有點似西餐的龍蝦湯， 配料有粟米粒，兩片叉燒，一隻溏心蛋，好豐富。我就食我的最愛豚骨拉麵，湯底豚骨味道非常濃郁，呈奶白色，入口好creamy。兩款小食老公好喜歡，幾乎全部都是他食的，龍蝦沙律吃到龍蝦粒粒，煎餃脆卜卜，入面有一些野菜餡料，非常美味。