永年士多 (屯門市廣場1期)

營業中

休息中

呢日嚟屯門行山之前先醫肚⛰️,揀咗我鍾意食嘅永年。而家佢哋推出咗款究極湯之車仔麵🍜,因為我最鍾意係豬紅同蘿蔔🥕,佢有晒仲有埋魚蛋同溏心蛋🥚,真係開正我哥瓣。今次我加咗微咖喱🍛,但對我嚟講都幾辣🌶,不過好惹味。豬紅同蘿蔔一貫嘅入味👍,而個溏心蛋都做得好好,真係好流心。另外叫咗個河粉,加咗雞翼🐔,蘿蔔同蟹籽丸,單點餸嘅麵啲餸份量會多啲🤏。雞翼又腍又入味,都係推介嘅配料😋。之前食過辣串串,最鍾意魷魚鬚🦑,係比較辣,但又辣得好過癮。隨咗魷魚鬚仲可以叫魚蛋同牛栢葉🐮。飲品都係點我最愛嘅奶茶紅豆冰同抹茶紅豆冰🫘。兩款茶香都好濃🫖,加埋份量好足又煲到好粉嘅紅豆,真係每次都一定飲佢哋😘。