棠記海鮮小廚

營業中

休息中

好耐無去三聖邨食海鮮啦，襯住早咗收工過去食嘢先，邨入面原來都有冬菇亭食店有海鮮食，見到棠記海鮮小廚有卡位又有海鮮食，入去試下先。天氣咁熱坐低即刻叫支青島涼一涼先，兩個人叫咗椒鹽賴尿蝦、豉椒炒蜆、菠蘿咕嚕肉及紅燒乳鴿。椒鹽賴尿蝦好耐無食椒鹽賴尿蝦，椒鹽炸得香口又脆，賴尿蝦都算大隻，好味到手指都食埋，海鮮控表示滿意。豉椒炒蜆鑊氣夠晒充足，豉椒和蜆是絕配，非常惹味，蜆肉無沙安心放入口。菠蘿咕嚕肉菠蘿肉兩邊燒香，味道清甜，以解咕嚕肉的油膩感，咕嚕肉半肥瘦，炸脆再上咕嚕汁，外脆內軟，好滋味。紅燒乳鴿乳鴿送啤酒一流，但不算太脆口，海鮮和小炒比較出色。